Vestmanna kirkja

Hetta er eitt sera virkið kór, ið er á palli í sambandi við konsertir, gudstænastur og onnur tiltøk bæði innan- og uttanlands einar 15-20 ferðir árliga.

Afturat regluligu kórvenjingunum hvørja viku, bólkavenjingum og kórferðum, fáa kórlimirnir einstaklingaundirvísing í sangi hjá royndum sangarum og songlærarum. Kórið hevur frá byrjan av, í 2010, verið virkið við árligum konsertferðum úti og heima.
Í 2022 var kórið á konsertferð í Íslandi og í 2024 í Kina.

Gentukórið umboðar ríku donsku sálma- og sangsiðvenjuna, og við støði í tí, er kórið væl fyri í fleiri tónlistasløgum og roynir støðugt at knýta bond millum tað siðbundna og tað nýggja.

Kórið megnar at framføra stór, klassisk verk, eins væl og einføld hugløg í einraddaðum sangi á høgum tónlistaligum støði við eyðkendum norðurlendskum kórljómi.

Gentukórið í Haderslev dómkirkju hevur givið fýra fløgur út, millum annað eina beinleiðis upptøku av ”Magnificat” fyri kór og strúkarar eftir Kim A. Arnesen.
Á vøkru jólafløguni ”Luk julefreden ind” ber til at hoyra gentukórið í áhugaverdum samstarvi við Symfoniorkestrið í Suðurjútlandi.

Í august í 2020 hevði kórið heimsfrumframførslu av symfoniska verkinum ”Stabat mater” eftir Kim A. Arnesen, sum hann skrivaði til Gentukórið í Haderslev dómkirkju. Kórið framførdi verkið saman við Symfoniorkestrinum í Suðurjútlandi.

Gentukórið hevur har afturat gott samstarv við Sydslesvisk Musikkorps (SMUK), har kórið á hvørjum ári heldur stóru veitsluna ”Lysfest” á “Haderslev kaserne” um kvøldið hin 4. mai.

Tað er Mogens Fangel Dam, ið hevur stjórnað kórinum frá august í fjør.

* Konsertir í Vestmanna kirkju eru ókeypis *