Skriva út

Henning Tausen

Henning Tausen
klokkari
Hov

Eftir Jústinus Leivsson Eidesgaard

Henning hoyrir til klokkaradynastiið í Hovi, har sama familja hevur staðið fyri ringing seinasta mansaldurin. Henning hevur í mong ár verið lærari í Hoyvík og er kanska enn betri kendur í Havn, enn hann er í heimbygdini Hovi. Hann er føddur 14 oktober 1954.

-Vit eru flutt aftur til Hovs og eg eri aftur ein partur av klokkarunum. Elsti beiggi mín Delmar avloysti sum blaðungur ein gamlan klokkara her í bygdini. Hann kallaðist Petur í Garðinum. Og tá ið Petur í Garðinum ikki orkaði meira, gjørdist Delmar deknur og síðan hava vit í familjuni ringt, tá tað hevur borist onkrum frá, sigur Henning Tausen.

-Eg havi verið 34 ár lærari í Hoyvík og eg havi øll árini droymt um at koma aftur til Hovs. Nú hava vit keypt eini hús her. Eg havi starvast sum einalærari í Famjin, nú havi eg havt 40 ára starvsdag og eri pensioneraður, sigur hann.

-Og tað er eitt sindur ørðvísi at flyta suðuraftur. Fólkatalið minkar og nógv tóm hús eru. Men eg kenni meg heima her, mær dámar væl at fáast við seyð og eg trívist her, sigur hann.

-Vit eiga tvey børn, eina dóttir, sum lesur til pedagog niðri í Aalborg og sonurin býr í Hovi, hann arbeiðir á miðnámsskúlanum í bygdini. Vit eiga tvey barnabørn, og tey eru tvíburðar, sigur hann.

"Viðmerkingar kunnu sendast til Jústinus Leivsson Eidesgaard á tel. 22 31 43 ella í T-posti: justinus(at)olivant.fo”.