Virkandi sóknarprest til Suðurstreymoyar eystara prestagjald

Søkt verður eftir einum virkandi sóknarpresti til Suðurstreymoyar eystara prestagjald. Talan er um eina tænastu hálva tíð.

Hóast tænastan í prestagjaldinum er hálva tíð, fær viðkomandi aðrar uppgávur sum prestur uttanfyri Suðurstreymoyar eystara prestagjald.

Tilsamans er talan um eitt tíðaravmarkað fulltíðarstarv í tíðarskeiðnum 1. februar – 31. juli 2026.

Høvuðsuppgávur
Yvirskipað er uppgávan tvídeild:

- at vera virkandi sóknarprestur í Suðurstreymoyar eystara prestagjaldi.
- at halda gudstænastur aðrastaðni í landinum eftir áheitan frá próstinum.

Innihaldsliga umfatar kallið

• at boða Guðs orð, halda gudstænastur og útinna sakramentini.
• útinna tær kirkjuligu tænasturnar.
• í samvinnu við próst vera til tænastu í fólkakirkjuni.

Førleikakrøv
Umsøkjarar skulu hava lokið prógv í gudfrøði og lúka krøvini, ið lóggávan annars setir fyri at gerast prestur í fólkakirkjuni í Føroyum.

Staðin biskupspróvtøka er ein fortreyt fyri at umsóknin verður viðgjørd. 

Løn- og setanarviðurskifti
Lønin er samsvarandi semju dagfest 8. juni 2009 millum Fíggjarmálaráðið og Føroya Prestafelag, har sóknarprestar verða løntir á stigi 28,1 – 36,1

Eingin tænastubústaður er til embætið.

Umsóknarfreist
Umsóknin verður send til Føroya Stiftsstjórn, J. Paturssonargøta 20, FO 100 Tórshavn, ella til umsokn@folkakirkjan.fo. Umsóknin skal vera okkum í hendi í seinasta lagi týsdagin 27. januar 2026 kl. 12.00.

Kirkjuráðini innstilla prestin, og biskupur er setanarmyndugleiki. 

Fyrispurningar um starvið kunnu setast Ova Brim, prósti, t-postur ovi@kirkjan.fo