Skriva út
Øssur Kjølbro til Norðoyggjarnar
29.05.2024 Tíðindi
![](https://folkakirkjan.cdn.fo/savn/gd1gnmo0/2023-09-fólkakirkjan-prestar-016.jpg?width=582&height=360¢er=0.41666669845581056,0.559375&mode=crop&rxy=0.559375,0.41666669845581056&rmode=crop&t=21195409&s=xjQFVus2refvqOu39DpemU32rWE)
Landsstýriskvinnan í mentamálum, Sirið Stenberg, hevur útnevnt Øssur Kjølbro sum sóknarprest í Norðoya vestara prestagjaldi, sum fevnir um Klaksvík, Norðoyri, Ánirnar, Haraldsund, Kunoy, Syðradalur, Húsar, Mikladalur, Trøllanes og Árnafjørður.
Sóknarpresturin er kirkjubókaførandi og jarðarferðarmyndugleiki.
Undir gudstænastuni í Christianskirkjuni sunnudagin 16. juni kl. 11 verður Øssur skipaður í embætið. Tað er dómprósturin, ið skipar prestin í embætið.
Øssur byrjaði sum óløntur hjálparprestur í Eiðis prestagjaldi í februar 2018. Tey seinnu árini hevur hann verið virkandi sóknarprestur í styttri og longri tíðarskeið í fleiri prestagjøldum.
Onnur tíðindi