Nýggj kirkja á Glyvrum

Eirikur í Jákupsstovu, landsstýrismaður, hevur í skrivi til kirkjuráðið á Glyvrum og teir kirkjuligu myndugleikarnar givið kirkjuráðnum loyvi at byggja nýggja kirkju.

Kirkjuráðið á Glyvrum hevur miðvíst arbeitt við málinum, og nú er loksins endaligt loyvi givið at byggja.

Leiðslan í fólkakirkjuni fegnast saman við kirkjuliðinum á Glyvrum, nú ein nútímans kirkja kemur ístaðin fyri ta gomlu kirkjuna, ið ikki er nøktandi til kirkjulívið í Glyvra kirkjusókn. Gleðiligt at kirkjuliðið fær góðar umstøður.

Leiðslan í fólkakirkjuni takkar landsstýrismanninum og politisku skipanini.