Bispavalið

Biskupsdømi Føroya
Valstýrið

Kunngerð um bispaval
í Biskupsdømi Føroya 2007

Av tí at ongin av valevnunum fekk meir enn helvtina av atkvøðunum verður nýtt val millum teir, ið fingu flest atkvøður.

1. Valevni:

Við fyrra valumfar fingu:

Marjun Bæk  45    atkvøður

Jógvan Fríðriksson 190  atkvøður

Jákup Reinert Hansen 72    atkvøður

Bergur Debes Joensen 49    atkvøður

Uni Næs  35    atkvøður

Teir báðir, ið fingu flest atkvøður, vóru sostatt Jógvan Fríðriksson og Jákup Reinert Hansen, og tí fer fram nýtt val teirra millum.


2. Vallisti og tilfar til atkvøðugreiðsluna.

Valstýrið hevur gjørt vallista við teimum, ið hava atkvøðurætt, smbr. § 7 í kunngerð nr. 895 frá 8. december 1999 frá Kirkjumálaráðnum. Eftir hesum vallista verður tilfarið eisini til hesa atkvøðugreiðslu sent beinleiðis til hvønn einstakan, ið hevur atkvøðurætt. Tilfarið til atkvøðugreiðsluna (vegleiðing, at-kvøðuseðil og returbrævbjálvi) verður sent mikudagin 10. oktober 2007.

Treytin fyri at kunna atkvøða er, at viðkomandi stendur á vallistanum. Persónar, ið halda seg hava rætt at atkvøða, men sum ikki hava fingið tilfar til atkvøðugreiðsluna, og persónar, sum av misgáum hava fingið tilfar til atkvøðugreiðsluna, verða bidnir um at boða valstýrinum frá mistakinum í seinasta lagi fríggjadagin 19. oktober 2007.
Fráboðanin verður send valstýrinum, Bispakrivstovan, J. Paturssonargøta 20, 100 Tórshavn, tlf. 31 19 95.

3.  Freist at atkvøða.

Freistin at atkvøða er úti 3 vikur eftir, at tilfarið til atkvøðugreiðsluna er sent.
Returbrævbjálvin við atkvøðuseðli skal tí verða sendur ella latin valstýrinum (Bispaskrivstovuni) beinleiðis í so góðari tíð, at Bispaskrivstovan hevur fingið hann í seinasta lagi mikudagin 31. oktober 2007 kl. 12.00.

Atkvøðuseðil, sum ikki er komin rættstundis, verður ikki tikin við.

4.  Atkvøðuteljing.

Atkvøðurnar verða kannaðar og taldar mikudagin 31. oktober 2007 kl. 13.00 í kjallaranum í Vesturkirkjuni. Uppteljingin er almenn í tann mun pláss er.

 

Tórshavn, hin 5. oktober 2007.


Valstýrið

Ása Justinussen                  Gunnvør Dam Jensen                  Bjarni Bæk


Tummas Lauritsen Durita Tausen Hans Jacob Joensen