Skriva út

Jógvan Jensen

Jógvan Jensen
klokkari
Fámjin

Eftir Jústinus Leivsson Eidesgaard

Jógvan Jensen hevur verið klokkari síðan hann var heilt ungur og seinastu 15 árini hevur hann verið fastur klokkarin. Jógvan er føddur 11. mai í 1946.

 -Eg var klokkari sum blaðungur, ella rættari avloysari hjá gamla klokkaranum Tummas Michael Jensen. Fyri 15 árum síðani legðist eg uppi og síðan tá havi eg verið fastur klokkari í Famjins kirkju.

 -Eitt systkinnabarn hjá pappa var klokkari. Hann var lamin, men hóast tað, so kláraði hann at koma upp í tornið. Hann kallaðist Edward.

 -Eg fór burtur, tá ið eg var 15 ára gamal. Var burtur eina tíð og síðan fór eg at læra í smiðjuni hjá Wenzel Petersen Úti í Bakka í Havn. Tá ið eg var liðugur við smiðjulæruna fór eg á maskinmeistaraskúla og síðan út at sigla í handilsflotanum. Eg var sjey ár við Maersk og trý ár við Global.

 -Mær dámdi væl at sigla úti. Einaferð var eg átta mánar burtur. Mær dámdi eisin ivæl tær longu ferðirnar, einaferð sigldu vit í linjufart millum New York og Singapore. Túrurin tók 63 døgn. Men tað var stuttligt at sigla. Tá var manningin mest sum øll donsk og vit fingu góðan danska mat.

 -Eg havi róð út seinastu árini. Eg havi ein bát her í Famjin. Men tað hevur einki verið at fingið tey seinastu árini og hetta seinasta summarið hava vit ikki veðrir at skylda uppá, tað hevur verið so hendingagott veður í summar.

"Viðmerkingar kunnu sendast til Jústinus Leivsson Eidesgaard á tel. 22 31 43 ella í T-posti: justinus(at)olivant.fo”.