09. apríl 2009
Skírisdagur 2009. Lukas 22, 14-20.
Vit sótu til borðs saman. Setningurin lýsir ein nærleika, og frástøðan hvørvur. Gomul er útsøgnin, at vit fyrst rættiliga kenna eitt menniskja, tá vit hava notið eina máltíð saman. Borðið ger nakað við okkum, og felagsskapurin um borðið er kveikjandi.
Frá gamlari tíð varð havt á lofti millum háborin fólk, hvør verdur var at sita til borðs saman við hvørjum. Harramaðurin og góðseigarin høvdu eina serstøðu, og arbeiðsfólkið át við sítt egna borð.
Kendi rómverski heimspekingurin Seneca, ið virkaði í fyrstu øld eftir Kristi føðing, broytti hugsunarháttin nakað. Spyr ikki hvør verdur er at sita til borðs saman við tær, men lat trælin sita við tína lið. Tá trælurin hevur sitið til borðs saman við teim, ið duga borðsið, verður hann upplærdur og siðaður til høviska og sømiliga atferð.
Eisini heima í Føroyum kenna vit nevnda fyribrigdið. Umborð á skipi var tað ikki óvanligt, at yvirmenninir skaffaðu fyri seg. Manningin á dekkinum át ikki saman við yvirmonnunum.
Sum á sjónum so á landi. Tað var tann tíð, tá prestarnir ótu við búgvið borð at kalla einsamallir. Í prestatilhaldinum var ein durur, ið einans varð nýttur av presti, tá hann var á umreisu ella vitjaði.
Sjálvt um vit í dag hugsa øðrvísi, eiga vit at umrøða forna siðvenju við virðing og hóvsemi. Tað lá nakað av virðing aftan fyri nevndu atferð, og tað at sýna virðing er altíð hóskandi.
Tíbetur, tykist mær, er nógv broytt til tað betra. Tað er ikki einvíst rætt tá sagt verður, at allar broytingar eru til tað verra. Virðing og tolsemi eru tvey lyklaorð, tá samskiftið millum einstaklingar og samskiftið millum ymiska mentan og lívsfatan skal greinast.
Tá talan er um virði og mannarættindi er felagsskapurin um borðið ein sterk mynd. At verða boðin til borðs ella koyrdur frá borði, tað er hvør sítt, tað er sum dagur og nátt.
Tað var eisini ein tíð í søgu Føroya, at tey, ið vit mettu øðrvísi, máttu flyta av landinum. Ivaleyst var hetta av verkligum ávum, tí umstøðurnar vóru ikki til vildar. Men hugburðurin var ikki beinleiðis stimbrandi, og tað var torført at vera avvarðandi. Virðing og javnbjóðis mannarættindi eru hóskandi orð rundan um borðið.
Ivaleyst skulu nógv ymisk atlit takast til tess, at eitt borðhald skal eydnast væl. Tað eru mangir leikir í longum talvi. Hinvegin skal einans ein finna flytast í talvinum, so borðhaldið fær ein óunnilig dám. Skulu vit vera vís í, at eitt borðhald miseydnast, skulu vit einans koyra ein persón frá borðinum. So hongur ein færri av ófrættakendum í luftini, og júst hesin dámur smakkar at matinum.
Skírisdag snýr tað seg um eina máltíð, - hin heilaga kvøldmáltíðin. Jesus og ápostlarnir sita til borðs. Jesus talar um líðing og deyða, og hann kunnar ápostlarnar um týdningin av deyða sínum.
“Hetta er likam mítt, sum fyri tykkum verður givið. Gerið hetta til áminning mína!”
“Hesin kalikur er hin nýggi sáttmálin í mínum blóði, sum verður helt út fyri tykkum.”
Sjálvt um hin heilaga kvøldmáltíðin var innsett saman við einum avmarkaðum skara av fólki, saman við ápostlunum, so fevnir Jesus í sínum kærleika øll heimsins fólkasløg og hvørt menniskja.
Tað er ómøguligt, at øll altíð eru til alt samstundis. Tað er alment góðkent, at vit viðhvørt kunnu eta eina máltíð saman við teimum, ið vit samstarva við ella á serligan hátta hava samskifti við. Ein slík avmarking kann enntá verða skilagóð, tí serlig atlit verða tikin at t.d. familjuni, arbeiði ella fakligum innihaldi. Ápostlarnir skuldu jú beinleiðis nýta kvøldmáltíðina sum fyrimynd og amboð í Guðs ríkis boðan.
Jesus dró fólkið at sær, og fólkið var hansara virkisøki. Ikki einans útvald, men fólkið í síni breidd. Viðhvørt færri, til aðrar tíðir fleiri. Talan var ikki um mótstríðandi framferðarhátt, men einans verklig atlit. Jesus ynskti at tæna sakini og tæna hinum einstaka.
Eisini rundan um borðið dró Jesus fólkið at sær. Hann sat til borðs saman við teimum, ið átrúnaðarliga samtíðin metti óhóskandi. Hann sat til borðs saman við tollarum og syndarum. Hin heilagi, syndafríi og reini. Frelsarin Jesus setti dám á borðhaldið. Náðin og kærleikin fyltu rúmið, tá Jesus sat til borðs saman við tollarum og syndarum og át saman við teimum.
Í hini heilagu kvøldmáltíðini staðfesti Jesus Guðs ætlan. Guð er kærleiki, og hann ger borðið búgvið, har vit verða boðin at eta tann mat, ið veitir sálini føði.
Í dag eru vit upptikin av teim fátæku londunum í triðja heiminum. Tað er svárt at síggja neyðina bæði heima og longri burturi. Sælur er hvør tann, ið eftir førimuni avmarkar neyð og vesaldóm.
Møguliga áttu vit í tráðan eftir tímiligum ágóða at givið sálini størri gætur. Á sama hátt sum fólk doyggja í hungri, á sama hátt kunnu vit misfarast, um sálin ikki fær stimbrandi føði, ið gevur merg til andan.
Jesus eigur nakað at geva hinum einstaka, ið veruliga munar. Tey, ið hava etið lívsins breyð kunnu vitna saman við alheimskirkjuni, at Jesus er meira enn alt annað. Ikki einans tað, at hann varpar ljós inn yvir tað æviga lívið. Eisini jørðin og tað tímiliga verður ríkari, har Jesus er lívsins breyð.
“Eg eri lívsins breyð. Fedrar tykkara ótu manna í oyðimørkini og doyðu. Hetta er breyðið, sum kemur niður av himni, at tey skulu eta tað og ikki doyggja. Eg eri hitt livandi breyðið, sum kom niður av himni; um nakar etur av hesum breyði, skal hann liva allar ævir; og breyðið, sum eg skal geva, er hold mítt, sum eg skal geva heiminum til lívs.” (Jóh. 6,48-51)
Rundan um borðið verða sannleikar bornir. Sannleikin sær dagsins ljós, og orðini binda saman. Nakað av tí, ið verður sagt, doyr burtur, tá løtan er runnin. Annað fúnar og ferst, sum tíðin rennur. Nøkur gullkorn verða søgd og ritað í klett, og teirra aldur er æviga ungur.
Mæta skaldið, Janus Djurhuus, sigur nøkur væl vald orð um V. U. Hammershaimb og vísir á týdningin, sum hann hevur havt fyri Føroyar.
“Hammershaimb skapti Føroyingum eitt skriftmál og harvið brynjaði teir til eitt fólk, eina tjóð...”
Og Janus nýtir eina vakra myndatalu : “Tá eg skal nýta eina mynd, ið lýsir Hammershaimb og verk og virki hans, so rennur fram fyri meg henda : Ein lítil maður við fínum mildum andliti stendur fyri háaltarinum í tí dómkirkju, ið eitur Føroyar. Hann lesur messuna á føroyskum máli fyri Føroya fólki. Á altarinum brenna nógv ljós, ið tær mildu veittrar tendraðu, sum góvu honum vit og megi at vísa Føroya fólki á ta leið, ið ber mót stjørnunum.”
Stór orð um prestin og próstin Hammershaimb, ið var føddur í Sandavági Mariumessudag, 25. mars 1819.
Á nýti ára degi Hammershaimbs yrkti Janus Djurhuus hesi mergjaðu orðini sum eina kvøðu til hin gamla próstin.

“Fáir finnast frægir her á foldum,
følnar, sprettur ævugt ætta fjøld,
flestramanna lív er rit í moldum,
támut søga, tá ið endar øld.

Navnið veit eg eitt, i klettum ritað,
lýsir gylt, nú nærkast hvíldarkvøld;
mildar veittrar tendraðu ein vita,
Føroyum stjørnuleið frá øld til øld.”

Áhugavert er at staðfesta, at tað kirkjuliga umhvørvið bæði innan og uttan kirkjugátt hevur fostrað mætar menn og kvinnur. Føroysk mentan, list og handverk hevur notið væl av samrøðuni um borðið. Eisini innan skúlans veggir er væl fingið burturúr : Føroya mál, málrøkt, bíbliutýðingar, sálmar, sangir, málningalist og tónasmíð.
Tað er vert at steðga á, minnast og fagna. Føroya mál, okkara stoltleiki og prýði. Føroya mál, okkara samleiki.
Eitt ríkidømi at prædika evangeliið um Jesus á móðurmálinum.
Vit eru mong, hvørs navn kennist ritað í moldum.
Tey eru færri, hvørs navn stendur ritað í klettum.
Men felags fyri alla mannaættina er, at eitt borðkort við navni hins einstaka er ritað í Guðs ríki. Vit eru vælkomin til borðs saman við Jesusi. Vælkomin eru eisini tey, sum at kalla einki megna. Tað er so at siga opið hús í Guðs ríki.
Amen.

((Hátíðargudstænasta í Sandavágs kirkju 9. apríl 2009. Hammershaimb varð fagnaður og mintur við gudstænastu, fyrilestrum og sangi, nú hundrað ár eru liðin, síðani hann andaðist.))
Kelda : J. H. O. Djurhuus, Yrkingar 1898 – 1948, Mentunnargrunnur Studentafelagsins 1998.

Prædika í Hoyvíkar kirkju   10. sept. 2014
Gudstænasta í Nólsoyar Kirkju á Ovastevnu  20. august 2014
Prædika 3. s. e. trinitatis Bergur D. Joensen Luk. 15,11-32:   07. juli 2014
Prædika til hvítusunnudag – fyrru tekstarøð.  11. juni 2014
Annan s. e. páskir 2014 2. tekstarøð: Jóhannes 10,22-30.   08. mai 2014
“Kærleiks logi tín og megi” Langa fríggjadag 2014 (Glyvra kirkja)   28. apríl 2014
2. páskadag(21.04.) 2014 í Havnar kirkju   22. apríl 2014
Prædika triðja sunnudag í føstu   31. mars 2014
Prædika kl. 12 við Norðskála 1. sunnudag í føstu 09.03.14 (sjónvarpað).   10. mars 2014
Av kærleika vil mín frelsari doyggja   03. mars 2014
Sø. Seksagesima, 2. tekstrække: Mk4,26-32. Vágur 75 år.   25. februar 2014
Hetta heilaga evangeliið skrivar Matteus evangelistur í 25. kap. 14 – 30, og tað ljóðar so í Jesu navni:   17. febr. 2014
Innsetingartala í Fuglafjarðar kirkju - Havstein Klein  29. januar 2014
Prædika í Vesturkirkjun 12. januar 2014 1. sunnud. e. trettanda Bergur D. Joensen   14. januar 2014
”Stjørna leiddi vísmenn fyrst” Trettanda dag jóla Bønhúsið í Søldarfirði 2014   09. januar 2014
Jóladag 2013 í Klaksvíkar kirkju   30. des. 2013
Juleprædiken   18. des. 2013
Prædika 1.s. í advent Sálmar: 82-89-53-4.   03. des. 2013
Prædika til allahalgannadag í Havnar kirkju 1.novembur 2013 klokkan 20.   08. nov. 2013
Prestvígsla í dómkirkjuni 15. september 2013: Marjun í Kálvalíð.   16. sept. 2013
“Far tú og ger so við!”   26. august 2013
Hetta heilaga evangeliið til Ólavsøkudag skrivar Matt. evang.16,24-27   29. juli 2013
Hetta heilaga evangeliið til Ólavsøkudag skrivar Matt. evang.16,24-27   29. juli 2013
Prædika í Vesturkirkjuni 4. s. e. trin 23.07.13 kl. 11.00   01. juli 2013
Prædika til 1.s.e.trinitatis í Havnar kirkju, sjónvarpað.   03. juni 2013
Hvítusunnudag 2013 Tekstur: Jóhannes 14, 23-31.   24.05.2013
Prædika til 3. sunnudag eftir páskir hildin í Christianskirkjuni hin 21. apríl av Magnus Brahé Jørgensen, presti:   23. apríl 2013
PARADÍSIÐ ER TÍTT VEGNA JESU UPPREISN  02. apríl 2013
”Borin í heim av Mariu moy”   20. mars 2013
2. s. í føstu(24.02.) 2013 í Vesturkirkjuni, Tórshavn   25. febr. 2013
Sunnudag sexsagesima fyrra trekstarøð: Lukas 8, 4-15.  05. febr. 2013
Prestvígsla / talan hjá biskupi.   27. januar 2013
Prædika til Trettanda kvøld sunnudagin 6. januar 2013.   07.01.2013
Gleðilig jól øll somul!   22. des. 2012
Prædika fyrsta sunnudag í advent - 2. desember 2012   04. des. 2012
Minningargudstænasta deyð pinkubørn  05. nov. 2012
Prædika í samband við 75. ára føðingardagin hjá Tjørnuvíkar kirkju.   25. okt. 2012
Prædika í Kollafjarðar kirkju 23. september 2012 kl. 11 16.s.e.trin. - útvarpað Sálmar: 161 – 345 – 298 / 323 –358 – 417 – 193 Theodor Eli Dam Olsen   23. sept. 2012
Prædikur: Hann er friður okkara. & Ver við í leikinum - kenn tína ábyrgd.   16. august 2012
Prædika Ólavsøkudag í Havnar kirkju  29. juli 2012
4. s. e. trin.(01.07.) 2012 í Vesturkirkjuni, Tórshavn   05. juli 2012
Trinitatis sunnudagur 3.juni 2012 í Christianskirkjan  04. juni 2012
Pinseprædiken  23. mai 2012
Prædika til Dýra biðidag 4. mai 2012  05. mai 2012
Erland Beder, jarðarferð úr Havnar kirkju 9. apríl 2012.   26. apríl 2012
Lívið sigrar við grøv og leiði!   04. apríl 2012
Sunnudagur í føstuinngangi(19.02.) 2012 í Havnar kirkju kl. 11   20. februar 2012
Prestvígsla í Dómkirkjuni 29. januar 2012.   31. januar 2012
Prædika til 3. sunnudag eftir trettanda - fyrra tekstarøð.   18. januar 2012
Prædika til 1. sunnudag eftir trettanda - seinna tekstarøð   03. januar 2012
Prædika í Vestmanna / Kvívík 27. november 2011 Fyrsti sunnudagur í advent Sálmar: 88 – 87 – 83 / 286 - 82   05. desember 2011
Hetta heilaga evangeliið til 1. sunnudag í advent skrivar Lukas evangelistur í 4. kapitli, ørindini 16 til 30:   28. november 2011
Vani - umvending. Tekstur eftir 2. tekstarøð til 1. sunnudag í advent: Lukas 4,16-30 við serligum denti á 16. v.   21. november 2011
Hoyvíkar kirkja 23. oktober 2011.   26. oktober 2011
Prædika í Hoyvíkar kirkju 15.s.e.trin. 2.oktober 2011 kl.11.00.   06. oktober 2011
Prædikan hjá Davidi Johannesen ólavsøkudag 2011. 1. Tekstarøð : Matt. 16, 24-27.   29. august 2011
Minningargudstænasta 27. juli í Havnar Kirkju í sambandi við sorgarleikin í Noregi.   01. august 2011
3. s. e. trinitatis 2011 – hátíðarhald / Mikkjal á Ryggi. Lukas 15,1 – 10.   12. juli 2011
Skapanarsunnudagur Náttúra og umhvørvi 1. sunnudag eftir tríeindardag Glyvra kirkja   28. juni 2011
2. hvítusunnudag 13.06.11. kl. 11.00 Hest kirkja 100 ár Bergur D. Joensen   15. juni 2011
Prædika til 5.s.e.páskir. Vesturkirkjan.  30. mai 2011
Felagsgudstænasta í Fríkirkjuni Oasuni týsdagin 26.apríl, 3.páskadag, 2011 kl.19.30.   26. apríl 2011
Jarðarferðarprædika í Havnar kirkju 27. mars, tá Axel W Tórgarð fór til gravar. Tekstur J 3,16   29. mars 2011
Prædika við Gjógv sunnudag seksagesima 27.02.2011 kl. 12 (Sjónvarpað).   07. mars 2011
Prædika í Funningi sunnudag septuagesima 20.02.2011 kl. 12 (útvarpað).   01. mars 2011
Innsetingarprædika í Hvalvíkar kirkju 4.s.e.trettanda, 30.januar 2011   17. februar 2011
Prestavígsla í Havnar kirkju 16. januar 2011.   18. januar 2011
Prædika til Nýggjársdag. 1. januar 2011. 1. tekstarað. Í Christianskirkjuni. Kl. 11. altargangur. Av Magnus Brahé Jørgensen.   01. januar 2011
Jóladagur 1. tr. : Luk. 2, 1-14.   21. desember 2010
Missiónshúsið í Vestmanna 12. desember 2010 – vígsla!   13. desember 2010
Gudstænasta Alla halganna dag í Dómkirkjuni  09. november 2010
Minningarhald í Mykinesi – 40 ár síðani flúgvarin datt niður.   28. september 2010
Prædiken til 14. søndag efter Trinitatis, den 7. sept. 2010. Biskop Elisabeth Dons Christensen  15. september 2010
Prædika Ólavsøkudag 2010 í Havnar kirkju, dómkirkjuni. Uni Næs, dómpróstur   10. auguat 2010
Prædika Ólavsøkudag 2010 í Havnar kirkju, dómkirkjuni. Uni Næs, dómpróstur   10. auguat 2010
Prædika Ólavsøkudag 2010 í Havnar kirkju, dómkirkjuni. Uni Næs, dómpróstur   10. auguat 2010
Fjórða sunnudag eftir trinitatis 2010. 2. tekstarøð : Matteus 5,43-48.   28. juni 2010
Prædika í Christianskirkjuni á Norðoyastevnu  06. juni 2010
Niels Pauli Danielsen Trinitatis sunnudag(30.05.) 2010 í Havnar kirkju   30. mai 2010
6. s. e. páskir – 2. tekstarøð : Jóhannes 17,20-26.   18. mai 2010
Prædika í K.k. 3. sunnud. e. páskir 25.04.10. kl. 12.00 70 ára dagin eftir at Merkið varð góðkent   28. apríl 2010
Prædika sunnudag 31. januar 2010  26. mars 2010
Prædika í Kvívíkar kirkju – innsetingarguðstænasta Theodor E. D. Olsen Sunnudag í føstuinngangi 14. februar 2010   19. februar 2010
Dómpróstainnseting   01. febr. 2010
Prædika í Vesturkirkjuni 20. desember 2009 4. sunnudag í advent Bergur D. Joensen   23. desember 2009
Guðstænasta í Eiðis kirkju 22. nov. 2009   08. desember 2009
Prædika 23.s.e.trin., 08. november 2009 í Bønhúsinum á Hellunum   14. november 2009
Prædikan 16.s.e. trinitatis  28. september 2009
Gudstænasta 8. sunnudag eftir trinitatis 2. august 2009   01. september 2009
Prædika ólavsøkudag 2009 í Havnar kirkju. Sálmar 585 516 234/326 369.   24. august 2009
Hvítusunnudagur 2009 1. tr. : Jóhannes 14,23-31.   08. juni 2009
6. s. e. páskir - 2009 1. tr. : Jóhannes 15,26ff & 16,1-4.  29. mai 2009
Prædikan suðuri í Sandvík 26. oktober 2008   01. nov. 08
Prædika í Sumbiar kirkju 1. mars 2009.   9. mars 2009
Tala við standmyndina av Victori Danielsen.   
Ólavsøkuprædikan 2008   31. juli 2008
Prædikan 13. juli 2008 í gomlu kirkjuni í Gøtu   Tróndar dagar - Gamla kirkjan í Gøtu 13. juli 2008
Tvøroyrar kirkja hundrað ár   Krists himmalsferðardagur 2008
Prædika til Fyrsta Sunnudag eftir páskir.   
Afsked Hoyvik kirke marts 2008   
Prestavígsla í Kvívík   
Grøvin var tóm   Páskaprædika 2007
Páskaprædika   Páskaprædika 2007
Føstuprædika   Føstuprædika 2007
Nýggjárið 2007   Prædikan jan. 2007
Jólaprædika  Prædikan des. 2006
Prædika minningardag teirra sjólátnu 1. nov. 2006   Prædikan november 2006
Prædika til 16. sunnudag eftir trinitatis í Leirvíkar kirkju.   Prædikan oktober 2006
Prædika til 4. sunnudag eftir trinitatis 2006.   Prædikan juli 2006
Prædika 2. sunnudag eftir trininitatis, 2. tekstarøð, Dals kirkja   Prædikan juni 2006